கவிஞர் எம்.ஏ.எம். ஆறுமுகம்

வலம்புரி கவிதா வட்டத்தின் 22வது கவியரங்கு 25/11/2015 அன்று இடம்பெற்றபோது கவியரங்கை தலைமையேற்று நடத்துமாறு கவிஞரும் இசைக் கலைஞருமான எம்.ஏ.எம். ஆறுமுகம் அவர்களை நான் இவ்வாறு அழைத்தேன்.
                                                                                  - என். நஜ்முல் ஹுசைன் 


நாடெங்கும் இவன் பார்வை சுற்றும்
அழுகுரல்கள்
இவன் நெஞ்சைப் பற்றும்
வைப்பானே இவன் அங்கு பற்றும்
உணர்வெங்கும் கொழுந்தே தீ பற்றும்

மரபுக்குள்ளே
தானே நிற்பான்
எண்ணத்தை
பிசகின்றி வைப்பான்
தீமைகள் கண்டாலே கொதிப்பான்
அது யாராக இருந்தாலும்
எதிர்ப்பான்

போலீஸ் -
காக்கிச் சட்டையும்
அணிந்தான் - கையில்
துப்பாக்கியும் கூட கொண்டான்
இரண்டுக்கும் உள்ளே பாயும்
கவிதையை
ஆயுதம் என்றான்

கவிதை ஆயுதம் ஏந்தி - அன்றே
வகவ அரங்கினில் மிளிர்ந்தான்
நெஞ்சை நிமிர்த்தித்தான் சொன்னான்
இன்றும்
அந்த நெஞ்சோடே உள்ளான்

இசைந்தான் இன்றவன்
இசைக்கும்
எமையெல்லாம்
அசைக்கும் வரமும்தான் பெற்றான்

வெள்ளையாய் கொண்டான் அகமும்
பேச்சினில் தந்தான் சுகமும்
கொள்ளையாய் சுவைகள் ஏந்தி
கவியரங்க தலைமை ஏற்று
கவர்ந்திட வந்தான்
ஆறுமுகமும்

கவிஞா
எம். ஏ.எம். ஆறுமுகம்
இன்றுனக்கு கவியரங்க
தலைமை
கொண்டு வா மீண்டும்
எம் இளமை