சந்தக் கவிமணி கிண்ணியா அமீர் அலி

 

வலம்புரி கவிதா வட்டத்தின் 95 ஆவது கவியரங்கு 26-12-2023 அன்று கொழும்பு பழைய நகர மண்டபத்தில் நடைபெற்ற போது கவியரங்கைத் தலைமையேற்று நடாத்த சந்தக்கவிமணி கிண்ணியா அமீர் அலி அவர்களுக்கு இவ்வாறு நான் அழைப்பு விடுத்தேன்.

      - என். நஜ்முல் ஹுசைன்
        தலைவர்,
        வலம்புரி கவிதா வட்டம்
        (வகவம்)

தனக்கென கவிதையின் உலகில் நின்று
தனித்துவம் பெற்றவன்; தகைமையாளன்
கனத்திட வைப்பவன் கவிதை மொழியால்
கதைகளில் அனுபவச் சோகம்
பிழிவான்
மனங்களை வென்றிடும் கவிதை பாடி
மலைத்திடும் அளவினில் ரசிகர்
பெற்றான்
கனவதில் நிலைக்கின்ற போதும்
கூட
கவிதையில் வாழ்ந்திவன் இன்பம் காண்பான்

இளமையை தமிழுக்கே தாரை வார்த்து
இலக்கணம் இலக்கியம் பாடம் கற்றான்
விளக்கென பலருக்குச் சுடரும் ஏற்றி
விதிமுறை நடைமுறை சொல்லித் தந்தான்
வளம்பெறும் கவிதையில் வாழும் கவிஞன்
வகவத்தில் இருப்பது பெருமை என்போம்
உளமெலாம் நிறைந்தவன் இவனை இன்று
உரிமையாய் தலைமைக்கே அழைத்து வந்தோம்

அமீர் எனும் சொல்லுக்குத் தலைவன் பொருளாம்
அரங்கிற்கு இன்றிவன் பொருத்த மானான்
அமீர் அலி என்கின்ற சந்தக் கவிஞன்
அமீர் எனும் தலைவனாய்
அமைந்து கொண்டான்
டுமீலென வெடித்திடும் கைத் துப்பாக்கி
போலிவ னரங்கிலே வெடிக்க வந்தான்
தமிழெனும் அமுதினைச்
சாறாய்பி ழிந்து
தன்அக வாழ்க்கையைப்
படிக்க வந்தான்


சந்தக் கவிமணி
கிண்ணியா அமீர் அலி

இது
தொண்ணூற்றி ஐந்தாம்
கவியரங்கு
இதில் இருக்கிறதே
உனக்கும் பெரும் பங்கு
எம் கவிஞர் படையும்
துணைக்கிங்கு
சங்கத் தமி ழெடுத்து
நீ முழங்கு !

வருக
சந்தக் கவிமணி
கிண்ணியா அமீர் அலி
- என். நஜ்முல் ஹுசைன்