கலாபூஷணம், சத்திய எழுத்தாளர் எஸ்.ஐ.நாகூர் கனி

24/12/2015 அன்று இடம்பெற்ற வலம்புரி கவிதா வட்டத்தின் 23 வது கவியரங்கை தலைமை ஏற்று நடத்த வகவ ஸ்தாபக உறுப்பினர்களில் ஒருவரான கலாபூஷணம், சத்திய எழுத்தாளர் எஸ்.ஐ.நாகூர் கனி அவர்களுக்கு இவ்வாறு அழைப்பு விடுத்தேன்

- என். நஜ்முல் ஹுசைன்


இலக்கியத்தில் பழுத்த பலா
இவரென்றாலும்
இதயத்தில் துளி கூட
அதனைக் கொள்ளார்

இலக்கினையே இழக்காது
பேனாமுனையை
சமுதாய துயர் தீர்க்க
இயங்கச் செய்தார்

சத்திய எழுத்தாளர்
பட்டம் தாங்கி
வித்துவத்தை காட்டி இவர்
வியக்க வைத்தார்

துலங்கிடவே வலம்புரியும்
கவிதை உலகில்
துணை நின்று
தூணானார்
தாயும் ஆனார்

இளைஞனென சுறுசுறுப்பாய்
இயங்கி வகவ
பணிகளையே இன்றும்தான்
தலைமேற் கொண்டார்
வாழைத்
தோட்டத்தை முற்படுத்தும்
இவரும் Kகனிதான்
இலக்கியத்தில் கனிவுதரும்
இதயக்கனிதான்
எங்கள்
இதயத்தைக் கவர்ந்து நிற்கும்
நாகூர் Gகனிதான்

கலாபூஷணம்
காத்திபுல் ஹக்
சத்திய எழுத்தாளர்
நாகூர் Gகனியே
நா கூர் Kகனியே
வாழைத்தோட்டத்து
தாகூர் Gகனியே

வகவத்தை உங்கள்
தலைமேல் வைத்தீர்கள்
இன்று வகவம்
கவியரங்கை உங்கள்
தலைமேல்
வைத்தது......