எங்களுக்கெல்லாம் ஒரு கதை இருக்கிறது
எங்களுக்கெல்லாம் ஒரு கதை இருக்கிறது
நாங்கள் அனுபவித்த இன்பங்களை
நாங்கள் அறிந்த இன்னல்களை
சரிதமாய் சொல்வதற்கு
சில வேளைகளில் எல்லோரும்
அறியும் வண்ணம்
வெளியே
அணிந்து கொள்கிறோம் -
எனினும்
அடிக்கடி அவை இயலுமான வரை
ஆழத்தில் புதைக்கப்படுகின்றன
எனவே நாம் அன்பாய் இருப்போம்
ஏனெனில்
மற்றவர்கள் அடைந்த துன்பங்களையும்
கடந்த போராட்டங்களையும்
நாங்கள் உண்மையிலேயே
ஒரு போதும் அறியமாட்டோம்
நாங்கள் காட்டும்
பரிவும் பச்சாதாபங்களும்
வழிகாட்டும் ஒளியாய்
விளங்கட்டும்
எப்போதும் நினைவில் வைத்திருப்போம்
ஒவ்வொருவரின் கதைக்கும்
எங்கள் அக்கறை அவசியமாக
இருக்கிறது
இந்த மானுட பயணத்தில்
எங்கள் அனைவருக்கும்
அன்பும் அரவணைப்பும்
தேவைப்படுகின்றன
எனவே நாம் ஒருவருக்கொருவர்
அன்புடையவராய் இருப்போம்
நாமிருக்கும்
இடத்தை இன்னும் சிறப்பாக்குவோம் !
ஆங்கிலம் மூலம் -
மிச்செல் ஹாவர்ஸன்
Michelle Harverson
தமிழில் -
என். நஜ்முல் ஹுசைன்
(ஞானம் - பெப்ரவரி 2024)
கருத்துகள் இல்லை:
கருத்துரையிடுக